वचन:

यिर्मया 41:2
त्या प्रसंगी इश्माएल बिन नथन्या व त्याच्याबरोबरची दहा माणसे ह्यांनी उठून गदल्या बिन अहीकाम बिन शाफान, ज्याला बाबेलच्या राजाने देशावर अधिपती म्हणून नेमले होते, त्याला तलवारीने ठार मारले.

निरीक्षण:

काही महिन्यांपूर्वी, नबुखद्नेस्सरने यरुशलेमचा नाश केला होता आणि देवाचे मंदिर जाळून टाकले होते. त्याने गदल्याला यरुशलेमवर अधिपती म्हणून नेमले.  इश्माइल अम्मोनी लोकांचा राजा बालिस याच्याशी जाऊन मिळाला होता आणि अनेकांना असे वाटते की बालिस यरुशलेमला जोडू इच्छित आहे. दुसरा योद्धा योहानान याने गदल्याला इशारा दिला होता की इस्माइल त्याला मारण्यासाठी येत आहे, परंतु गदल्याने योहानानावर विश्वास ठेवण्यास नकार दिला. निश्चितच, गदल्याने इश्माएल आणि त्याच्या दहा माणसांना एका भव्य जेवणासाठी मेजवानी दिली आणि त्या वेळी इस्माइल उठला आणि अधिपती आणि त्याचे सहकारी तसेच त्याच्याबरोबर असलेल्या बाबेलच्या सैनिकांची त्याने हत्या केली.

लागूकरण:

या वचनात आपण पाहतो की गदल्या जो अधिपती होता त्याचा अचानक घात झाला त्याच्यावर हे संकट अकस्मात आले. त्याचा विचारही नसेल की इश्माइल त्याचा व त्याच्या सैनिकांचा असा नाश करील. गदल्या निवांत मेजवानीस बसला होता, कदाचित आपल्या राज्याविषयी किंवा युध्दाविषयी चर्चा त्यांच्या चालू असतील. एक निवांत श्वास घेत तो जेवत असेल. परंतू . त्याला काय माहीत की एक मोठ संकट त्याची वाट पाहात आहे. एक मोठा घात त्याच्या दबा धरून बसला आहे. आपल्या जीवनात देखील कधी कधी आपल्याला अशा अनपेक्षित संकटांना सामोरे जावे लागते. त्यास सामोरे जात असताना आपण हतबल होऊन जातो. परंतू आज आपण आपले सर्वस्व परमेश्वराला समर्पण करणे योग्य आहे. गदल्यास आश्रय नव्हता परंतू पवित्र शास्त्र सांगते देव आमचा आश्रय व आमचे सामर्थ्य आहे संकटसमयी सहाय्य करण्यास तो सदा सिध्द असतो (स्तोत्र 46:1)

प्रार्थना:

प्रिय येशू,

आज मी तुझ्यापुढे नम्र होऊन म्हणतो, “प्रभु बोल, तुझा दास ऐकत आहे.” दिवसाच्या प्रत्येक सेकंदाला मला माझ्या आयुष्यात तुझी गरज नाही असे मला कधीही चालायचे नाही. प्रत्येक संकटामध्ये माझ्या बरोबर राहा. मी आज तुला माझे आश्रयस्थान करत आहे. येशुच्या नावात आमेन.