वचन:

कलस्सै 4:5
बाहेरच्या लोकांबरोबर सुज्ञतेने वागा; संधी साधून घ्या.

निरीक्षण:

जेव्हा तुम्ही हा उतारा संदर्भाबाहेर वाचता, तेव्हा तुम्हाला वाटेल की हा एखाद्या देशाच्या गुप्तचर संस्थेकडून परदेशातील त्यांच्या कार्यकर्त्यांपैकी एकाला गुप्त सांकेतिक संदेश आहे. आणि  असा आहे. हे धक्कादायक वाटू शकते, परंतु जेव्हा ते प्रेषित पौलाने 2000 वर्षांपूर्वी लिहिले होते, तेव्हा तो कलस्सै येथील नविन करारातील मंडळीतील लोकांच्या एका छोट्या गटाला लिहित होता. जे सांकेतिक भाषेत लिहीले  गेले होते ते हे होते की ते खरोखर स्वर्गाचे नागरिक आहेत, आणि अधिक अनुयायांचे नागरिकत्व पृथ्वीवरून स्वर्गात बदलण्यासाठी त्यांना आकर्षित करावे म्हणून त्यांनी सुज्ञतेचा वापर करण्याची आवश्यकता होती.

लागूकरण:

या उतार्‍यात पौल ज्या “बाहेरील” लोकांबद्दल लिहितो ते कलस्सैमधील लोक आहेत जे ख्रिस्ती विश्वासात संभाव्य रूपांतरित झाले होते. मला खात्री नाही की पौलाने विचार केला असावा की, कलस्सैमधील छोट्या मंडळीला लिहिलेले हे पत्र कालांतराने टिकेल आणि लाखो लोक त्यास वाचतील आणि एके दिवशी ग्रहाचा एक तृतीयांश भाग येशूचे अनुसरण करताना दिसेल. पण आज मी लिहितोय तिथेच उभा आहे.  हे स्पष्ट आहे की या पत्राच्या मूळ प्राप्तकर्त्यांनी हे सत्य मनावर घेतले आणि सत्य इतरांपर्यंत पोहोचवले. मूळ सत्य आणि निर्देश कोणते होते जे कालांतराने अनेक “बाहेरील” लोकांना ख्रिस्ताचे अनुसरण करण्यास आकर्षित केले? सत्य हे होते की ख्रिस्ताच्या खऱ्या अनुयायांनी येशू ख्रिस्ताच्या सुवार्तेसह “बाहेरील लोकांपर्यंत” पोहोचताना खरोखर “सुज्ञ” असणे आवश्यक आहे.

प्रार्थना:

प्रिय येशू,

ज्यांना तुझी खरोखर गरज आहे अशा लोकांपर्यंत मी पोहोचत असताना मला “सुज्ञ” होण्यास मदत कर. लोकांना अनंतकाळच्या जीवनापासून दूर नेणाऱ्या मूक गोष्टी मला करायच्या नाहीत. मला तुझ्या वचनात राहून त्या स्वर्गातील नागरीकत्वाच्या योगाने जीवन जगायचे आहे म्हणून मला तुझ्या बरोबर चालण्यास व सुज्ञ राहण्यास मदत कर. येशुच्या नावात आमेन.