वचन:

प्रेषित 20:36
असे बोलल्यावर त्याने गुडघे टेकून त्या सर्वांबरोबर प्रार्थना केली.

निरीक्षण:

या उताऱ्यात, पौल आणि त्याचे सहकारी इफिसमधून शेवटच्या वेळी तेथील वडिलांना निरोप देण्यासाठी गेले. हा एक दु:खद प्रसंग होता कारण त्यांना माहीत होते की ते देवाच्या या महान माणसाला पुन्हा कधीही पाहणार नाहीत.  खरं तर, पुढच्याच वचनात म्हटले आहे की त्यांनी निरोप घेताना ते रडले.  पण त्याआधी, हा उतारा आपल्याला सांगतो की पौलाने त्यांना गुडघे टेकून एकत्र प्रार्थना करायला लावली. या गोष्टीने मला माझ्या आयुष्यात अनेक वेळा आठवण करून दिली,  जेव्हा मी लोकांसोबत त्यांच्या आव्हानांमध्ये प्रार्थना करण्यासाठी गुडघे टेकले होते. तेव्हा प्रभूने मला आणि माझ्या सहकाऱ्यांना सहाय्य केले. खरेच, “प्रार्थना ही विश्वासणाऱ्यांचे खरे सांत्वन आहे.”

लागूकरण:

मला खात्री आहे की असे बरेच लोक आहेत जे म्हणतील की त्यांना निःसंशयपणे अत्यंत गरजेच्या वेळी कोणत्याही व्यक्तीला सुज्ञ सल्लागाराची आवश्यकता असते. इतर लोक म्हणतील की कधीकधी संकटात असलेल्या व्यक्तीला केवळ चांगल्या विसाव्याची गरज असते.  तरीही, इतर म्हणतील, “दुःख संपेपर्यंत तुम्ही स्वतः शांत बसा.” परंतु, येशूवर विश्वास ठेवणाऱ्यांसाठी प्रार्थना हा नेहमीच उत्तम मार्ग असतो. प्रार्थना तुम्हाला खात्री देते की तुम्ही यात एकटे नाही आहात.  जेव्हा तुमचा सर्वात चांगला जवळचा मित्र तुम्हाला तुमच्या संकटामध्ये तुमची साथ देत नाही, तेव्हा प्रार्थना तुमच्या निर्माकर्त्याशी तुम्हाला संवाद साधण्यास सक्षम करते. प्रार्थनेलाही प्रतिसाद मिळतो. देव खरोखरच आपल्या प्रार्थनांचे उत्तर देतो. म्हणूनच पौलाने त्या दिवशी प्रार्थना करण्यासाठी वडिलांसोबत गुडघे टेकले. हे असे आहे की जेव्हा आपण एकटे काही गोष्टी हाताळू शकत नाही असे आव्हान असेल तेव्हा आपण गुडघे टेकून प्रार्थना केली पाहिजे. मी म्हटल्याप्रमाणे, “प्रार्थना ही विश्वासणाऱ्यांचे खरे सांत्वन आहे.

प्रार्थना:

प्रिय येशू,

या समयी, मी खूप आभारी आहे की मी माझा दिवस प्रार्थनेने सुरू करू शकतो. मी आज शंभर लोकांसोबत असलो किंवा कोणीही असो, किंवा मी एकटा असो तू नेहमीच माझ्या सोबत आहेस. मी दिवसाच्या कोणत्याही मिनिटाला तुला हाक मारू शकतो याबद्दल धन्यवाद, सर्वात विशेष म्हणजे तू माझ्या हाकेला नेहमी ओ देतोस. प्रभू प्रत्येक समयी आनंद असो वा दु:ख मी नेहमी माझे गुडगे तुझ्या पुढे टेकण्या मला सहाय्य कर! येशुच्या नावात आमेन.