वचन:

ईयोब 27:6

मी धार्मिक आहे  हे माझे म्हणणे मी धरून राहणार, ते मी सोडावयाचा नाही; माझ्या आयुष्यातील कोणत्याही दिवसाविषयी माझे मन मला खात नाही.

निरीक्षण:

ईयोबाने त्याच्या मित्रांना बोललेले हे काही शेवटचे शब्द आहेत.  त्याच्या मित्रांनी त्याच्यावर कितीही आरोप केले असले तरीही, ईयोबाने पुष्टी केली की त्याच्यावर लादलेल्या संकटाची तीव्रता त्याने कमावली आहे असे तो कधीही म्हणणार नाही. या सगळ्यातून त्याने आपला निर्दोषपणा कायम ठेवला आणि तो पुढेही तसेच करत राहीला असे सांगितले. या विधानाबद्दल आश्चर्यकारक गोष्ट म्हणजे सुरुवातीपासूनच, देव ईयोबाशी सहमत होता. ईयोब 1:8 मध्ये देवाने सैतानाला सांगितले, “त्याच्यासारखा पृथ्वीवर कोणीही नाही; तो निर्दोष व सरळ आहे, देवाचे भय धरणारा व वाईटापासून दूर राहणारा मनुष्य आहे”.

लागूकरण:

हे खरे आहे की आपल्या सर्वांवर कधी ना कधी खोटे आरोप केले जातील, तरीही, जगाने आपल्यावर कोणतेही आरोप केले तरी, “कधी कधी केवळ आपण आणि देव असतो!” ते बरोबर आहे! जेव्हा तुम्ही आशा करता की तुमचे मित्र तुमच्या बाजूने बोलतील आणि ते तसे करत नाहीत, तेव्हा तुम्हाला हे लक्षात असेल की “कधी कधी केवळ तुम्ही आणि देव असतो!” जेव्हा तुम्हाला वाटले की तुमचे स्वतःचे कुटुंब तुमची बाजू मांडेल आणि त्यांनी तसे केले नाही, तेव्हा तुम्हाला आठवत असेल की इतर वेळी त्यांनी तुम्हाला देखील अपयशी केले, परंतु तुमच्या हृदयात, तुम्हाला हे समजेल की “कधी कधी हे केवळ तुम्ही आणि देव या पुरते आहे!” आणि जेव्हा तुम्ही त्या विचाराचा विचार करता, तेव्हा तुम्हाला खरोखरच देवाची गरज असते. सरतेशेवटी, त्याने ईयोबाची जशी काळजी घेतली तशी ईयोबाने कधीच कल्पना केली नसेल. तो तुमच्यासाठीही असेच करेल.

प्रार्थना:

प्रिय येशू,

या समयी, मी तुझ्यासमोर माझ्या अंतःकरणात प्रतिज्ञा करत आहे की माझ्या जीवनातील प्रत्येक श्रेणीतील पुरवठ्याचा एकमेव स्त्रोत तुच आहेस. मी सर्व तुझा आहे. मला जे काही त्रास होत आहे त्यावर माझा तुझ्यावर विश्वास आहे की तू माझ्यासोबत आहेस कारण तेव्हा केवळ तू आणि मीच असतो! माझ्यासोबत प्रत्येकक्षणी राहील्याबद्दल तुझे आभार. येशुच्या नावात आमेन.