“पंचाक्षर्‍यांच्या किंवा चेटक्यांच्या नादी लागू नका; त्यांच्यामागे लागून अशुद्ध होऊ नका; मी परमेश्वर तुमचा देव आहे.”

ही एक अत्यंत गंभीर आज्ञा आहे! आध्यात्मिक संपर्क, भविष्य सांगणे आणि जादूटोणा यांसारख्या गोष्टी देवाच्या वचनात पूर्णपणे निषिद्ध आहेत. अनेक लोक, ज्यांत स्वतःला ख्रिस्ती म्हणवून घेणाऱ्यांचाही समावेश आहे, अशा प्रथांमध्ये सहभागी होतात ज्या देवाला घृणास्पद आणि दुष्ट वाटतात. देव स्पष्टपणे सांगतो की, जे लोक भविष्य सांगणाऱ्यांकडे किंवा आत्म्यांशी संपर्क साधणाऱ्यांकडे वळतात, त्यांच्याविरुद्ध तो आहे, कारण असे करणे म्हणजे त्यांच्या मागे जाऊन स्वतःला आध्यात्मिकरित्या व्यभिचारी बनवण्यासारखे आहे (लेवीय २०:६). तरीही, अनेक ख्रिस्ती लोक राशीभविष्य वाचतात किंवा भविष्य सांगणाऱ्यांचा सल्ला घेतात आणि मग त्यांना मनात शांती का मिळत नाही, असा प्रश्न पडतो.

देवाची इच्छा आहे की तुम्ही त्याचा शोध घ्यावा; जर तुम्ही इतर स्रोतांकडे वळलात, तर तुम्ही देवाला दुखवीता, जो कोणी असे करतो, त्याला कधीही शांतता, आनंद आणि समृद्धीने भरलेले जीवन लाभणार नाही. जर तुम्ही अशा प्रकारच्या कोणत्याही कृतीत सहभागी असाल, तर मी तुम्हाला मनापासून विनंती करतो की, तुम्ही पूर्णपणे पश्चात्ताप करा, देवाकडे वळा आणि क्षमा मागा आणि अशा सर्व प्रथांपासून कायमचे दूर व्हा.

हे प्रभू, जेव्हा जेव्हा मी तुझ्याव्यतिरिक्त इतर ठिकाणांहून उत्तरे शोधण्याचा प्रयत्न केला, त्याबद्दल मला क्षमा कर. मला असत्यापासून दूर राहण्यास, केवळ तुझ्यावरच विश्वास ठेवण्यास आणि केवळ तुझा शोध घेऊन खरी शांती मिळवण्यास मदत कर. आमेन.